Երկաթի պակասը լրացնող սննդամթերք. tert.am

Երկաթի պակասն օրգանիզմում ևս հիվանդություն է և եթե չբուժվի, կարող է հանգեցնել լուրջ առողջական բարդությունների, ինչպես օրինակ` սակավարյունության: Այս հիվանդության առաջացման հիմնական պատճառը երկաթի ցածր պարունակությամբ սննդի օգտագործումն է: Սակավարյունությունը կամ անեմիան արտահայտվում է քրոնիկ թուլությամբ, քնկոտությամբ, մազաթափությամբ, գունատությամբ, հաճախացած սրտխփոցով, գլխացավերով, կոտրվող եղունգներով:

Ինչպես ներկայացնում է Healthy Food Team-ը` սակավարյունության բուժման լավագույն տարբերակը օրգանիզմում երկաթի մակարդակի բարձրացումն է: Դեղեր ընդունելուց բացի անհրաժեշտ է կանոնավորել սննդակարգը: Աղբյուրը ներկայացնում է երկաթի պարունակության ավելացմանը նպաստող սննդամթերքի ցանկը:

Սպանախ: Այն  հարուստ է նաև A և E վիտամիններով, կալցիումով, բուսական մանրաթելերով և սպիտակուցներով:

Ոսպ: Այն ևս հարուստ է երկաթով, մանրաթելերով, և ստիպում է հագեցած մնալ  երկար ժամանակ:

Դդմի սերմեր: Դրանք ապահովում են օրգանիզմի կենսագործունեության համար անհրաժեշտ սնուցիչները: Երկաթից բացի դրանք հարուստ են մագնեզիումով, մանգանով, ֆոսֆորով և ցինկով:

Կարմիր միս:  Այն հարուստ է երկաթով, B վիտամինով: Փորձագետները խորհուրդ են տալիս երկաթի պարունակության բարձրացման համար շաբաթական երեք անգամ կարմիր միս օգտագործել, սակայն չարաշահել դրա օգտագործումը խորհուրդ չի տրվում, քանի որ այն կարող է վատ ազդեցություն թողնել սիրտ-անոթային համակարգի աշխատանքի վրա և դառնալ որոշ տեսակի քաղցկեղի առաջացման պատճառ:

Սև շոկոլադ: Այն հարուստ է հակաօքսիդանտներով, վիտամիններով ու հանքանյութերով:

Քունջութ: Առողջ սննդի մաս կազմող այս համեմունքը երկաթի իրական աղբյուր է: Այն նաև հարուստ է վիտամին E-ով, ֆոսֆորով, կալցիումով, ցինկով և օգնում  է կանխել օստեպորոզի առաջացումը:

Հարցեր, պատասխաններ, մեկնաբանություններ